大鄉里去食一蘭拉麵

某天晚上，大老爺話要試下銅鑼灣既一蘭拉麵，佢個理由唔係話人地食過話好味，而係話呢間野咁出名，比人知道自己住港島區但未試過會好魚，我真係比佢激死，想食咪想食lor，洗咩比個咁既理由，其實我都唔係咁專制姐。

一蘭拉麵雖然係廿四小時營業，但係因為實在太多人排隊 (條隊由店內伸展到店內，所以我一直都未有光顧。

 

店內有個屏幕顯示入坐情況，以便待應安排坐位，超過兩個人想坐埋一齊，真係有少少難度。 

 係走廊等位時，竊看到裡面的食客，排排坐係度食野，由於係第一次光顧，我覺得好奇怪，點解唔係四方枱同埋卡位既？

終於有位了，入到去裡面，個感覺好奇怪，店內坐位的設計係一人一格，而每一格都會用板分隔開，所以私隱道都幾高，你食野既時候係望唔到你隔離位的。

呢個格局，我覺得似　1) 自修室   2) 探監 (只係欠左個電話，同埋中間冇左塊玻璃)

 

這是自助落單專用表格，同係日本食拉面的非常相似，可以選擇湯的濃度、油膩度、面的軟硬度及配料等，填好落單表再按枱頭的鐘便會有待應來處理。

 待應把食物端上後，便會把前面的竹簾放下來，讓食客們慢慢品嚐。

我今次點的拉面詳情：

湯濃度：濃味

油膩度：極油膩

香蒜：1份

葱：青葱

义燒：有

秘制醬汁：5倍

面的硬度：普通

配料：紫菜及半熟鹽煮疍

 配料不多，志在湯底。

話咁快就食左半碗了，半熟鹽煮疍係整隻上的，我自己界開左，見到裡面真係半生熟的糖心疍。

食晒了，見到個碗底有日文及漢字，咩最高　喜，唔知點解。

佢地只係收Cash，每碗拉面最Basic係89蚊另收10%服務費，係銅鑼灣食野黎講，話平唔平，話貴唔貴咁啦，因為而家出去食個拉面都要幾十蚊。