馬拉松開倉：Jeremy Scott x adidas “Silver Bear”

喜歡Casual + Sporty Wear的大老爺最喜歡去Marathon開倉， 每次去馬拉松開倉，我地都係主打買波鞋同埋波衫，今次真係好彩，大老爺唔係點洗OT，也許是因為我不斷說引誘佢的話，叫佢最好第一二日去開倉，因為遲左去D正野會比人買晒。哈哈，今次佢真係乖乖地陪左我行第一同第二日。

今次我地買左5對波鞋，3件波衫及2條波褲

24/7： 3對New Balance波鞋 (大老爺)

24/7： 1對 New Balance波鞋 (奈奈子)

25/7：1對Adidas熊仔波鞋 (奈奈子)

24/7：3件波衫 (大老爺)

25/7：2條波褲 (大老爺)

大老爺喜歡鮮色的顏色

呢對螢光橙色都係大老爺既

大老爺話呢款鞋又輕又舒服，所以要買多幾對

呢對螢光粉紅係我既

我地去收銀處比錢時，個職員竟然認得我地，問我地尋日咪買左好多鞋lor，今日又買？佢話好記得大老爺要左幾對46.5號的New Balance

呢對Jeremy Scott x adidas “Silver Bear”波鞋係2013年11月既產品，大老爺一見到佢就話呢對鞋岩我，咁我咪問個Promoter攞比我睇囉，點知原來呢對係男裝鞋。吓？我即時O咀兼滴汗，呢對咁kawaii既熊仔鞋竟然係男裝？唔怪得出左都唔夠一年就要放黎開倉賣la。

我問promoter攞左對最細szie的來試，係男裝最細size，有少少鬆，但係唔怕，因為波鞋著大對d先舒服，加上呢對鞋有少少短boot feel，所以買呢個都岩著的。

雖然係岩著，但係我都係有少少猶豫，因為我覺得買對New Balance會實際d，但係大老爺話對熊仔鞋75% off真係好抵，如果正價佢都唔會考慮，又話呢對熊仔鞋唔係人人都carry得到，叫我襯後生快D著，到老左想著都唔敢。我比佢呢句說話聊起左條癮，佢意思係唔係讚我後生可以著呢D咁得意既熊仔鞋呢?

呢對鞋有金色同埋銀色兩個色，金色比較接近棕熊的顏色，但係近睇會好怪，都係銀色自然d，同埋會易d襯衫，所以決定要銀色。

呢對鞋既質地唔係毛毛的，而係好以聖誕裝飾品咁，表面有少少吉吉地的，熊仔頭的兩旁仲有兩隻熊仔手，真係好得意。

忍唔住，再影多張close up先

究竟呢對係鞋定係公仔黎架？

黎返張側面先

大老爺話想買埋金色果對，佢話就算唔著，放係度都好靚喎

個鞋盒真係寫住係男裝鞋，但係其實有冇男人敢著出街呢？