第三章：化學懷孕

經過第一次促排卵療程失敗後，由於之前打針過份刺激，令子宮內有好多水泡未散，故此唔可以立即再打針，要抖一個Cycle，等水泡散晒先可以做第二次促排卵療程。

今個Cycle可以休息一下，靠自己努力配合排卵期做功課了！

2013年9月，今次我有Check紅綠d，紅d深粗時開工，排左卵之後我一直有keep住check紅d，到左 Day 35，紅d又開始變深，我上forum好多姊妹話紅d變深有好大機會係bingo，咁我到左Day 40係公司個厠所用綠d驗左，有淺線。。。當時我真係好開心，我立即影左張相send比我老公，我地開心到覺得，原來做treatment未必有，反而咩都唔做就中！

當日下午，我再次用綠d驗多次，睇下有冇變深色，點知第二次驗連條淺色線都冇埋，支綠d白雪雪咁，真係令人失望。我之前仲想幫BB改定名，好彩我果刻都係諗住要醫生confirm左先會咁做。

過左一天，我又忍唔住再驗，點知又出返條淺線，可惜我唔放心之後再驗，驗左10幾支綠d，都係冇料到，我都未死心，買幾支貴棒返黎再驗過，希望奇蹟出現，比返條線我。

我買左Mannings，Watons同埋CB驗孕棒返黎驗，可惜都係Negative。。。

到左Day 53，M小姐終於來找我了，之前兩個支綠d有淺線都唔中，唔知呢d係唔係叫化學懷孕。