第一章：開始生育輔導

懷孕是女人的天職， 每個女人都應該可以享有做媽媽的機會吧，隨著年紀的轉變，我對懷孕呢個課題上既感覺也隨之而改變。年幼的時候，常常在電影橋段中出現未婚懷孕及意外懷孕等，所以我對避孕的意識很強，等了又等，我終於由避孕變成備孕狀態了。

2011年開始找瑪麗醫院私家診所睇生育輔導，瑪麗醫院先問我攞轉介信，等左7個月，終於第一次見醫生了，我和老公做了一系列既Lab test後，醫生說我甲狀線有事，要我先處理好甲狀線，然後再返去佢度覆診。

我又拿住轉介信，去政府醫院排期睇甲狀腺專科，等了6個月時間，見了醫生做了驗血，發現甲狀腺指數正常，都唔知係唔係瑪麗醫院之前驗血攪錯，定係我甲狀腺係短短幾個月內不藥而癒。

來來回回等左我成年時間，2012年我又返返去瑪麗醫院見醫生，佢地幫我驗血確定可以開始療程，他幫我做了陰超，發現我有卵巢多嚢，所以開了排卵丸給我。用了3個Cycle時間控制藥的劑量，然後一次過開了6個療程排卵丸給我，我按指示食左6個療程，但仍未有成功，所以又要等約醫生傾轉treatment。

2013年5月，醫生說排卵丸作用不大，建議我轉促排卵療程，打排卵針去刺激誘發排卵，我答應了，又要做一系列的化驗才可以開始療程。