第五章：第一次煲藥中醫治療

自上個cycle第二次促排卵療程失敗後，2013年10月我決定睇中醫，就是那個上環好出名睇生仔ge醫師。

Day 5
第一次去睇上環醫師，他話最好係Day 4或之前去睇佢，咁冇計啦，我都要睇佢ga la，佢話因為過左Day 4，要開第2劑藥給我了，他有叫我用紅d check排卵，佢話大約把cycle日數除2開始驗。他開了7天藥給我，每天飲一劑。要戒口，凍野及港式奶茶都唔得。醫師話港式奶茶傷腎，老公都要戒港式奶茶。

Day 5-11
我有戒口，每天到中藥店飲藥。醫生診金$200，另外藥費要幾百。

Day 12
7日藥飲晒，但紅d未有變深色，所以再去上環醫師度，佢又開多7日藥給我，還叫我不用再覆診，等排卵自己要努力做功課，如果真係唔成功，咁就要M Come第4天之前去睇佢。

Day 13-19
連飲7日藥，紅d真係有轉深色，我保險d驗埋CB有哈哈笑，夾岩時間做功課，隔日do。

Day 20-32
冇藥食，又排左卵冇得做功課，唯有日日上forum同人吹水啦。好多人話bingo同m come前感覺好似，又係谷胸，肚痛，腰痛果d，不過有d人話，佢個個月都有呢d感覺，我都有驗綠d，但係都唔係bingo。

Day 33
下午去toilet時抺尿尿時，見到有少少粉紅色，而家成日感到有分泌流出來，我覺得自己會m come，失望ge感覺又返返黎lor。

Day 34
早上去Toilet，發現Ｍ小姐來了，咁唯有再約去睇劉醫師。


療程感受分享：
可能我之前打排卵針，成日要早起床，又谷卵好痛，所以我覺得睇中醫都幾舒服，療程費用比西醫平，所以今次唔得，都冇咁肉痛。