第四章：第二次促排卵療程

自2013年9月化學懷孕後，我再返瑪麗醫院進行第二次促排卵療程。

Day 2 (月經開始的第2天)
按指示7:30am返瑪麗醫院照陰超，及抽血化驗，醫生建議Day 3開始，每天早上打排卵針Puregon，每次100iu，連打5天，而且每3-4天就要返瑪麗醫院覆診，照陰超或驗血等。

Day 3-7
在家裡，連打了5天排卵針後，又要回瑪麗醫院陰超。

Day 8
陰超後，醫生見排卵針有效，卵泡長大了，建議打多一支50iu，翌日再返去陰超。

Day 9
陰超後，發現卵泡已達18mm， 醫生話可以打破卵針，醫生叮囑我同老公今晚及明晚要做功課，同埋開左黃體素藥丸給我，Day 15開始，每朝早要把藥丸塞道陰道。

Day 15-22
今次塞黃體素藥丸代替打兩支安胎針，好處係唔駛5:30am起床去醫院打針，但每天早上要預早15分鐘，因為塞藥後，要等15分鐘才可以落床，以免藥丸流出來不被取收。但塞藥的感覺真不好受，因為粒藥又硬又長，長度約8-10mm，而且有少少"拿"，一整天陰道感到刺熱，我情願5:30am起床打安胎針。

Day 23
結果M小姐還是來了，我返瑪麗醫院照陰超，醫生話好多水泡未散，醫生叫我翌日再來照，

Next Cycle
Day 2-3
按醫生指示返去陰超，可惜水泡依然未散，我不想天天返醫院照等水泡散，因為又要早起床，又要用錢，所以我同醫生講可唔可以Skip一個Cycle唔打針，醫生同意了。


療程感受分享：
今次照陰超的次數多了，所以療程費用比第一次貴，真係好肉痛，我決定係唔打針呢個cycle睇下中醫，食下中藥，一來可以比自己休息下，反正西醫兩次唔成功，試下中醫都冇壞，總好過成個cycle咩treatment都唔做。