第六章：第二次煲藥中醫治療

上個Cycle唔係Day 4找上環醫師，所以今個Cycle 2013年11月我Day 2去找他。


Day 2
好多病人睇上環醫師都係為左睇生仔，所以你一入去，佢就會問你：今日第幾日呀?
上環醫師好有性格架，會罵人的，所以我都唔敢問佢咁多野，佢講我就聽咁。佢今次開第一劑藥給我，要連飲7天，由於藥的成份有鹿茸，所以貴過第二劑。今次我叫埋老公一齊睇，佢都係叫我地兩個唔好飲港式奶茶，我老公話有時眼訓頂唔順點算，醫師話可以飲咖啡。

Day 3-9
含鹿茸的中藥真係好難飲，但係可能飲左可以保下，令d卵靚d。

Day 10
7日藥飲晒，再返上環醫師度睇，佢開第二劑藥給我，連飲7日，還叫我不用再覆診，等排卵自己要努力做功課，如果真係唔成功，咁就要M Come第4天之前去睇佢。

Day 12-18
連飲7日藥，紅d仍未轉色，我諗我都係遲排卵，長Cycle的，所以唯有等下，Keep住一日驗幾次紅d。

Day 19
因為有少少作感冒，所以再返去睇中醫，醫師話我排卵唔係咁順，同埋開左d藥比我醫埋感冒，一共飲5天。

Day 25
紅d開始有深粗，CB又有哈哈笑，咁我就夾返時間做功課。

Day 39
今日去toilet時抺尿尿時，見到有少少粉紅色，經過上個月ge經驗，我諗我明天會夾M。

Day 40
早上去Toilet，發現Ｍ小姐來了，真係好失望。


療程感受分享：
本來以為打排卵針又貴又辛苦又唔Work，諗住中醫會掂，但係試左兩個Cycle都係唔得。岩岩撞正平安夜來M，咁我又有excuse唔返醫院打排卵針了。見未有treatment可以做，經朋友介紹下，我準備下個月睇氣功穴位醫師。