【奈奈子廚房】茶香炒鴨舌

好多人去台灣都鍾意買老天祿既鹵水鴨舌，貪佢既味道又濃又香，送酒或者就咁食都回味無窮！其實香料呢啲野周圍都有得買，只要煮得其法，即使自己煮都可以好好味架！今日就煮下呢味茶香炒鴨舌比大家試下先！

茶香炒鴨舌，材料有：
鴨舌：兩磅
李錦記茶香老抽：兩湯匙
李錦記舊庄蠔油：兩湯匙
李錦記雙璜生抽：一湯匙
糖：一茶匙
水：半碗
香葉：三塊
胡椒：少量

鴨舌要去衣，沖洗備用。

鴨舌在滾水汆水約五分鐘，去除肥膩及臊味。

倒去滾水，這部份參考了美女廚神Kit Mak的做法，將鴨舌過冷河，先放進凍滾水，然後放進冰水，據聞咁樣鴨舌會好爽口，晾乾水後落鑊略炒。

將調味料倒進碗中製成汁料。

將汁料放進鴨舌，炒勻約三分鐘。

放進香葉，然後用蓋冚住，煮三分鐘。

上碟即成！

李錦記的茶香老抽顏色甚深，香氣撲鼻，烹調濃味餸菜，簡直一流！

個個試過都話頂瓜瓜，自信心番晒黎!