今年母親節除了帶同媽咪及細妹外,還有姨姨及姨丈,亦有遠道由紐西蘭而來的大舅父!由於席中不少人是素食者,所以除了一個八人餐外,也預備了一些素菜!我們就在旺角利苑享用這餐晚膳!陳公齋煲係一味全部都係齋既野,又雲耳又金針又乜,陳公點解要食齋,定係佢係煮齋自己食肉,無人知。。。
生拆蟹皇燴翅,呢味真係好正呀,蟹皇真係好濃郁,值回晒票值,蟹肉都有好多,翅針都好爽口而有層次,正!
如意炒生猛元貝,帶子細隻左啲,但係的的骰骰加上蜜糖豆既清甜,別有一番滋味!
蝗蟲郁手前既留影!
雙冬炆龍躉翅,呢味翅有魚尾魚鮨最肥美的部份,味道一流,膠質豐富!
如意吉祥呢味餸就係比素食者架啦,有露筍,銀杏等等!
如意吉祥呢味菜既近拍!
蔥油脆皮焗大花蝦,超大隻既蝦真係令人大開眼界!
大花蝦超大隻呀
盬香蔥油雞,皮脆肉嫰一支棒!
飄香荷葉飯香噴噴,全部材料既精華盡收飯裏!
粒粒皆美味!
紅早燉萬壽果,兩隻雞蛋王一樣!
敬母燕窩蟠桃,好味!
沒有留言:
張貼留言