Choya梅酒專用酒杯

禮盒裝既Choya梅酒睇落好High Class喎

用Choya梅酒禮盒送既酒杯飯酒，別有一番風味!

酒杯上印有Choya的字樣

麻辣火煱會令人興奮?

好耐冇打邊爐了，聽說麻辣火煱會令人興奮，吃完會令人精神而且開心，生飛滋都變得唔痛，有冇咁誇張呀？

平時我只係會食清湯的，見今次生左粒飛滋，咁我都試下麻辣果邊，睇下係唔係真係咁神奇先！

鴛鴦煱：濃湯寶清雞湯 / 小肥羊麻辣湯包 

深海龍躉魚柳

阿信屋韓國蠔

水餃拼雲吞

大老爺自家制既葱碗

打邊爐梗係唔可以冇響鈴啦

後記：原來肥羊麻辣湯包都唔係咁辣姐，我都接受到，我呢左升了，下次同大老爺係屋企打邊爐唔洗用鴛鴦煱了，不過同人出街食就要train下先得。

香草燒羊架

愛群餐廳，我細細個就聲過呢個名了，但係未試過係果度食羊扒，經朋友介紹下試試佢既羊扒餐。這個羊扒餐份量十足，而且很經濟，真係要比個like佢。

香草燒羊架：配有香蒜及香草等香料，羊扒又大件又鮮美，我超級喜歡食羊，好多人怕羊有陣酥味，但我偏偏喜歡這種羊獨有的味道。有朋友說小肥羊的羊肉不酥很好吃，但我覺得呢句說話好攪笑，因為吃羊就係貪佢夠酥，唔酥既羊同牛肉豬肉有咩分別喎！

石斑頭：清蒸好定煲湯好？

大老爺喜歡吃魚，佢每逄weekend都會主動陪我行街，不過係行街市，目的就係買佢心儀既海魚。好彩我都中意食魚，唯有自製浪漫拍住拖行街市啦。

其實兩個人，買條一斤既海魚已經好足夠，食婪既我地又覺得石斑個頭大，如果買一斤重的，其實魚肉唔多，佢又話我唔食魚頭，我覺得佢Complain我食晒d魚肉留返個魚頭比佢食，咁唯有買大條d，由於個鑊唔夠大蒸呢條魚，次次都要魚販幫我地刴左個魚頭出黎，要分兩次蒸，先蒸魚身，後蒸魚頭。

我地食完個呢魚身，已經好飽好滿足。

個魚頭又唔想留返第二日食（怕隔唔新鮮唔好食），之前試過蒸左比大老爺一個人食，但佢一個人真係食唔晒，後來有朋友建議我地攞呢個石斑頭去煲天麻魚頭湯，我起初都覺得咁樣好少少浪費，因為呢個始終係石斑頭，而且我怕天麻魚頭湯一定要配大魚頭才有消除頭痛的功效，不過試試又無妨，可能有意外驚喜哩！

http://nanakobeauty.blogspot.com/2014/06/blog-post_30.html

其實個石斑頭除左可以清蒸同埋煲湯，仲可以點煮呢？我而家仲係度研究緊...

牛角商務午餐

平時去牛角多數係食晚餐，我係食肉獸，所以只會叫肉唔叫菜的，今次見到佢年午餐menu都幾吸引，我同大老爺不謀而合叫左呢個：

主菜：和牛、腹胸肉、牛舌、牛肋肉、茄子、粟米及冬菇等

牛肉飯任食，奉送飲品及甜品

大老爺堅持要食玉子飯

甜品：綠茶雪糕，上面鋪有綠豆粉及焦糖，正呀！

女性恩物：黑糖薑母茶

唔知點解，大熱天時坐係Office都會手腳冰冷，返到屋企訓覺開冷氣又係會沾寒沾凍咁。在網上爬文才知道好多女仕都有呢個問題，同埋有介紹飲黑糖薑母茶的功效：

【功效】1、治療感冒，咳嗽，支氣管感染：淋雨畏寒，手腳冰冷，薑母茶喝進體內時，感覺體內產生的熱氣協助身體氣血循環，有溫中散寒，祛滋消痰的妙用。2、經期腹痛，貧血，風濕：喝杯薑母茶補充鐵，鈣礦物質，改善風濕和經痛。3、頭昏頭痛舒緩：肩頸不舒服，壓力大，運動少，能使氣血循環更加順暢。4、天然的止嘔藥：能減緩腸胃的蠕動收縮，預防暈車，暈船所引起的不適。5、性味辛溫，入肺，胃，脾經：具有發表散寒，止咳化痰，解毒的功效。

黑糖世家：台灣製，這個採用5年以上的老薑製成，一粒可以沖3杯，味道偏甜，而且一次要沖3杯實在太多了，價錢約HK$18一粒，平均每杯HK$6。

傅牌：馬來西亞製，以條型獨立包裝，一條可沖1杯，方便又衞生，具有原味、檸檬味及特辣3款，各有特色。

薑含量：原味 (50%) 檸檬味 (30%) 及特辣 (90%)

價錢：原味 < 檸檬味 < 特辣

自家製：沖繩黑糖一包 (300g) + 老薑一舊

這個成本較低，方便在家飲用，天然而且可以隨意加入自己喜歡的份量，配搭出唔同既甜度同辣度。

以上3個，我比較喜歡自家製，如要返工飲，我會選擇傅牌。

老實說，我不太喜歡黑糖世家。

祥興記生煎包：皮薄、多汁、餡鮮、底脆

今次黎到元朗阜財街祥興記食生煎包

位透過門口的玻璃櫥窗，可以親眼睇到師俌製作生煎包的過程。

店內掛有牌扁，描述他們的生煎包：皮薄、汁多、餡鮮、底脆！

生煎包一客才28蚊，係佢地既招牌菜，還有咖喱牛肉米等其他食物以供撰擇

平時食的生煎包，多數都係好似小籠包咁，個面係扭埋一舊，頂部尖尖地的，祥興記的生煎包，擺法係掉轉的。

生煎包一客4隻，包上舖有芝麻及青葱，香脆可口。

大老爺心急放包進口一咬，熱騰騰的肉汁瞬間從包內湧出來，被噴到滿面肉汁。

小心翼翼的在包上開了兩個孔，立即有肉大量肉汁流出來。

咖喱牛肉米，牛肉有少少筯，食起來有少少似牛展，配有豆卜及青葱令咖喱更加清新。

店內的飲品也很有特色，我地點左柑桔汁和粟米汁。

小肥羊麻辣湯包：我都夠膽食了

我升左呢而家食到小肥羊既麻辣湯包了，以後唔洗用鴛鴦煱，可以同大老爺食同一個煱了。

今次即慶打邊爐，目的係試下我食唔食到麻辣火煱，所以冇咩點買火煱配料。

呢D係平時用黎煮面食既丸黎

試新野：Choya宇治茶梅酒 + 黑糖梅酒

大老爺勁中意飲Choya梅酒，呢d係佢之前係美食博覽既戰利品

今次試新野，買左呢set宇治茶梅酒＋黑糖梅酒

試宇治茶梅酒先，定係試黑糖梅酒先好呢？

原來支酒除左可以就咁飲又外，仲可以溝汽水或牛奶飲，溝汽水我覺得OK，但溝牛奶飲，梅酒係酸既，遇到牛奶會結埋一舊舊咁，怕唔怕架？

馬來西亞辣蝦面

今日同大老爺行超市見到呢隻唔知咩蝦面，中意試新野既我地買左幾隻返黎做白老鼠。

之前食過呢個牌子既蝦湯面，今次買埋佢其它兩款，咖喱撈面同埋三巴蝦米乾撈。

今次試食既係呢款，三巴蝦米乾撈面。

原來呢個叫三巴蝦米乾撈，呢個應該係馬來西亞既產品。

睇落去唔係咁吸引，不過即管試下啦。

試下先，一向少食辣野既我，唔知頂唔頂得順呢？

又真係幾辣喎，連大老爺食左都話覺得我會頂唔順。

Afternoon Tea at Zoe Cafe

某日約左朋友係Zoe Cafe傾計，平時傾計多數去Starburks的，今次經朋友介紹下試下Zoe。

唔想飲咖啡，所以點左杯熱朱古力，很大的驚喜，佢地連Hot Chocolate都有拉花的。

聽人講話呢間Cafe的疍糕好好味，話食過就唔再中意食普通餅店的，有冇咁誇張呀？

嗶，佢D疍糕又細件又扁，細細件都要成40幾蚊，等我食下係唔係真係咁正先。

Chocolate Truffle：朱古力密度很高，味道濃郁，口感幼滑，唔傾一般疍糕得個Cream字。

Banana Cheesecake：新鮮香蕉製造，味道清甜，口感非常幼滑。

Green Tea Latte：這個也有拉花的，味道不太苦，冇Hot Chocolate咁甜，好味！

Green Tea Latte Vs Hot Chocolate：喜歡甜的一定要試Hot Chocolate！

牛記茶室：清湯蘿蔔牛腩煲

自牛記茶室搬到柴灣後，我同大老爺約一星期去一次，唔知幾時先會試晒佢所有小菜？

清湯蘿蔔牛腩煲：呢個係牛記招牌菜之一，牛腩軟而不韌，肉汁鮮美，而蘿蔔吸收了牛腩汁，味道也變得牛腩起來。

薑葱魚雲煲：呢個係我同大老爺至愛，不吃不可。

是日甜品：八寶粥

呢碗糖水夠晒足料，仲靚過糖水舖的。