馬來西亞辣蝦面

今日同大老爺行超市見到呢隻唔知咩蝦面，中意試新野既我地買左幾隻返黎做白老鼠。

之前食過呢個牌子既蝦湯面，今次買埋佢其它兩款，咖喱撈面同埋三巴蝦米乾撈。

今次試食既係呢款，三巴蝦米乾撈面。

原來呢個叫三巴蝦米乾撈，呢個應該係馬來西亞既產品。

睇落去唔係咁吸引，不過即管試下啦。

試下先，一向少食辣野既我，唔知頂唔頂得順呢？

又真係幾辣喎，連大老爺食左都話覺得我會頂唔順。