上環泉章居

喜歡食客家菜的你，都應該唔會未去過泉章居了，佢地價廉物美，所以都不乏捧場客，而我也是其中的一位。

平時我多數會去銅鑼灣泉章居的，因為果度又大又方便，食完飯仲可以去行下街，但因為未去過上環分店，所以今次改去上環見識一下。

上環店地方比銅鑼灣狹窄，而家上二樓要行樓梯，對長者及小朋友來說不太方便，坐位安排不太舒服，而且被安排坐在樓下傳菜房旁邊的單邊卡位，傳菜房門並没有關上，坐在旁邊食飯真係熱到抖唔到氣，汗流浹背。

不知道是泉章居全線改Menu，還是上環店的Menu興銅鑼灣的不一樣，平時係銅記食開既兩餸二人餐，係上環食變左三餸二人餐，咁價錢梗係貴左啦。最大件事既係我最喜愛既黃金蝦同埋翡翠炒斑球已經唔係二人餐既Menu入面，要食呢兩個餸就要散叫了。

坐位安排不太舒服，感覺好似面壁吃飯咁，迫到連手袋也要放枱上才可以夠位就坐

青紅蘿蔔豬踭湯：夏日炎炎，還是適合飲瓜菜湯

霸王雞：我的最愛，濃郁雞香味配有大量蔥絲，食落去清新而不膩

咸魚豆腐煲：這個撈飯食一流

 大良炸鮮奶：這個是我兒時最愛，口感鬆脆且有濃郁奶味，我自己係屋企試整過一次，不過失敗左，而家好少地方有呢個餸食，所以忍唔住叫左呢個。

後記：兩個人食三餸一湯真係太多了，咸魚豆腐煲我地食唔晒要打包，環境太悶熱，坐位太迫，我們好難再坐下去了。下次去泉章居，都係去銅鑼灣好d。