森林家族大宅變Display裝飾?

某日下午，去左行百貨公司，當我睇緊廚房用品既時候，竟然見到我最愛至森林家族大宅，仲以為森林家族出左碗碟系列，走埋去一睇，原來...

森林家族大宅內上下層各自放有一隻碗，可惜隻碗並非森林家族系列，累我空喜歡一場。

點解百貨公司會用森林家族大宅黎Display碗架？

阿根廷野生刺身大紅蝦

阿信屋又返左新野了，就係呢個阿根廷野生刺身大紅蝦。

一盒約8-10隻，才100蚊左右，會員仲有折，認真抵食。

我以為蝦變左紅色就係熟既，呢d蝦就咁睇落去真係唔知道係未熟既。 

剝左殼依然咁大隻，蝦肉爽口彈牙，蝦頭藏有大量蝦膏，濃郁肥美

賤熊三十

賤熊三十，都播映左成年了，大老爺知我中意熊，之前幾經辛苦都係揾到3隻Ted既公仔。

上星期行玩具街，咁好彩比我地見到成套賤熊公仔，即買！

牛角日式肉燒

之前見大老爺中意食魚，我連煮左幾餐魚比佢食，佢可能食到怕怕，無端端話想食牛肉，所以去左我地好耐冇食過既牛角食晚飯。

～牛肉類～

牛肉拼盤：包括呢一碟6片牛肉，同埋一個壺漬牛肋肉

壺漬牛肋肉係大老爺至愛

牛肋肉已用特制醬料醃好，壺入面還放有大量洋葱tim

腹胸肉配味噌醬：平時係配鹽醬既，今次佢黎錯左味噌醬，唔緊要，當試下新野。

當然唔少得大老爺最愛既厚切牛舌

～海鮮類～

海鮮拼盤：有蝦、帶子、蠔、青口、墨魚及魚塊等

蠔要連埋個鍚紙兜放係網上面燒

～飯類～

玉子牛角飯

～飲品類～

大老爺話食肉燒要飲啤酒下火喎

Sonny Angel x Macaron

Sonny Angel x Laduree既公仔好靚呀

某天晚上，大老爺把這個遞給我，還有一隻樹熊頭既Sonny Angel

我冇Laduree Sonny Angel，求其影住呢張合照先喇。

懷舊砵仔糕

平時經過砵仔王，都有好多人排隊買野，呢間野專賣懷舊小食；有砵仔糕、馬豆糕、香蕉糕及麥芽糖梳打餅等。

好耐冇食過砵仔糕，我都忍唔住買返兩個，$11兩個，好抵！

個砵仔糕都幾足夠，你睇佢幾多紅豆，大大粒咁！

反轉背面一攪，終於明白點解d人會叫Nude Bra做砵仔糕了！

傳麵世家：咖哩牛尾河

 先黎一個蒜香雞翼，甘香酥脆，正呀！

清湯腩河粉我都食得多，但係清湯牛尾河真係只係係呢度食過，佢肉質鮮嫩肥美，真係食過番尋味。

呢個係咖哩牛腩粉，佢個咖哩汁係特別煮比你的，所以要另外加錢的。

大老爺話要encore，整多個咖哩牛尾河，咖哩汁另加11蚊。

呢杯特制既紅豆奶茶，好味過一般紅豆冰好多。

而我今次試新野，叫左個咩華田脆爆。

好口渴，我用極快ge速度KO左呢杯野，其實佢冇咩特別，只係係杯華田上面再沈左d華田粉。

影多張相先

影完相，食野先

夢見屋 x Chocolate Rain

夢見屋 x Chocolate Rain

店內以Chocolate Rain為主題

天花及牆壁都佈滿Chocolate Rain公仔

這裡樓底好高呀

牆上掛有Chocolate Rain的畫

白汁碎疍煙肉意粉，意粉爽口彈牙，醬汁濃味可口。

歎返杯即磨咖啡醫下眼訓先

我飲咖啡都係中意落大量既奶，因為我怕苦，又中意甜，所以Mocha同Latte就最岩我了。

海鹽焦糖疍糕，好似幾特別，試唔試好呢？

都係食返我最中意既櫻桃芝士疍糕

Movenpick Tiramisu ice-cream

以前覺得movenpick雪糕貴，但從Dreyer's出左premium果條line之後，Movenpick相對變得冇咁貴，人一世物一世，買返盒返屋企消下暑先。

雪糕面層舖滿可可粉，內層米黃色的雪糕內夾雜住細細粒既tiramisu疍糕

點解過左中秋節仲係咁熱架，食下雪糕降降温先，睇黎我個減肥計劃又要postpone了

阿原艾草皂

某日同大老爺行誠品書店，係打書釘期間，我地嗅到一陣陣的芬香，原來係買旅遊書附近有兩個booth，一個係賣香薰精油，另一個就係阿原。

呢舊艾草皂係阿原的招牌貨，佢既香味並非一般花香，而係一種特殊的香氣。

店員說艾草皂有助舒緩敏感及濕疹皮膚，而大老爺不在乎其功能，只為了艾草的獨特香味，現在他不但用艾草皂沖涼，還把艾草皂放入抽屜內，令衣物都沾有艾草香味。

Happy Mid Autumn Festival

醉榴香D24榴槤冰皮月餅，這款是醉榴香月餅系列入面最平的，SOGO賣$3xx一盒，好彩我去左美食節掃貨，呢盒$2xx有交易，正呀！

這款月餅簡真是把榴槤肉打碎壤入月餅內，真材實料，大老爺食到停唔到口呀！