楊記面家

位於灣仔既楊記面家, 將於2011年4月底結業

蝦子撈面

蝦子鵝腸撈面

大地魚淆製上湯, 味道鮮甜

李錦記Blogger大激鬥戰況！

早前貪得意參加李錦記Blogger大激鬥，幸得評判們的挑選入圍！係4月30日去左李錦記係大埔既廚藝中心參加決賽！當日心情好鬼緊張，唯有不斷以笑遮醜！

當日我既參賽菜式係清新西檸灼生蠔，調味料有李錦記舊庄特級蠔油，配合鮮味頂瓜瓜同埋有手掌咁大既生蠔，實在係天作之合！為左希望減低包尾既危機，我係決賽修改左個食譜，加左玫瑰露同埋李錦記蒜蓉醬，令到味道更特出！

呢味餸既特別之處係，要用到德國寶既光波爐！呢部高科技產品大家可能去到崇光同埋工展會既時候都略有所聞！只要校好時間，煎炸野可以一滴油都唔落，用黎炮製我呢款清新西檸灼生蠔亦都毫無難度！一開著之後，佢既光芒即時吸引左全場既目光！玫瑰露加上李錦記蠔油同埋蒜蓉既香味亦都逼晒出黎！

完成左啦，啲蠔真係好鬼大隻！我都未見過咁大隻蠔架！右邊啲餅係用黎墊住啲蠔一齊食，可以畀多一種層次感被評判嚐試。

Moonmoon一早完成左啦！好欣賞佢將墨魚膠唧入竹笙裏面！

Olga廚房既泰國辣椒碎肉，佢遠道由新加坡返黎比賽！我好怕辣架，但係呢個辣我都接受到，味道好正！

我既大作，哈哈！

李珍，係今次既冠軍！最勁之處係由英國既威廉王子結婚都唔睇，就返黎比賽，食譜好複雜，但係仍然夠時間做好晒，同埋個樣做出黎，係同比賽交既相片係一樣架，好勁呀！佢將咖喱醬同埋沙爹醬融合埋一齊，創出另一款味道出黎，超好食！

呢個係YY既荷葉大肉圓包，一般人以為荷葉係整飯同埋糯米包，佢竟然諗到用蕃薯粉結合其他材料創出一款軟綿綿既質感，仲有金針雲耳配合雞肉，香氣撲鼻，仲有紅棗夠晒補身，得到季軍！

小花媽呢款香煎南瓜餅，味道都唔錯架，仲有木魚碎係上面，和風食法夠晒清新。

大蚊呢款簡直係創意無限，麻婆豆腐野菌千層面，千層面一般都係用茄汁芝士去做，點都諗唔到可以用豆腐配合李錦記既麻婆豆腐醬去做！豆腐軟滑既質感配合焗好既千層面，本身已經係兩種特別既口感，加埋李錦記既麻婆豆腐醬，畫龍點晴之餘，唔知點解無論視覺上同埋食落去都有食西式千層面既風味，正到爆！據聞李錦記官方自己最近搞一次派對既時候，都攞左呢個菜式既概念造左另一款餸出黎！嘩，比賽比到咁受重視，攞到亞軍係咪實力夠晒呢！

哈哈，東主係唯一一名男參賽者，佢煮呢個餸其實已預計有時間剩，所以好有型地慢慢調味，與材料深入交流一番，先至將牛小排切件，放落鑊，係大家毫無準備之下，突然拋鑊，惹來一陣讚嘆之聲，不過呢個ＭＯＭＥＮＴ唔夠一秒，比起威廉王子同埋新任王妃既世紀之吻仲要短！所以影唔到！

好好玩呀！

呢個牌匾好似話有成一百年歷史！呢個廳超正呀！

我當日準備左Rubbermaid既保溫箱、冰種同埋大量冰粒，存放住兩罐桶蠔！光波爐就無辦法係屋企攞過黎，所以都要麻煩李錦記幫我預備，唔該晒呀！

原來，我切左咁多檸檬，睇番啲相先至知！好好玩！雖然三甲不入，但能夠入圍都係好幸運！仲可以識到咁多朋友仔，實在好開心！

原來評判廚藝師May係好靚女架！

我地一班參賽者黎個大合照先！

估唔到，我都會有殿軍獎牌，仲有五百蚊SOGO禮券，李錦記二百蚊福袋，李錦記XO醬禮券，仲有參賽戰衣！多謝晒！