芝心吉烈豬扒 (附食譜）

芝心批大家都略有所聞，芝心豬扒你又聽過未？香脆既豬扒，裏面係軟滑既芝士，呢種配搭真係唔錯呀！

芝心吉列豬扒
材料：
豬扒：三塊
芝士：三塊
面包糠：半盒
鹽：一茶匙
糖：一茶匙
家樂牌雞粉：一茶匙
胡椒粉：一湯匙
蛋：兩隻
生粉：三湯匙

先將豬排打橫切開二分之一，唔好切得過深，否則豬排會一分為二！

將芝士對摺然後放進豬排內！

將豬排拍上生粉！

蛋漿混進調味品，放入豬扒。

將豬排沾上蛋漿，待蛋漿滲進豬排與芝士之間！

再把豬扒拍上面包糠！

拍得越均勻越好！

表面塗上少許生油，與及蜜糖，放進光波爐，二百二十度焗七分鐘。

反轉表面塗上少許生油，與及蜜糖，二百度焗五分鐘！

咁就搞掂晒啦！

芝士被豬扒包住，一咬融化了的芝士湧出黎，香濃無比！

其實如果用油炸，顏色會更加好睇，更脆！

光波爐就乾身啲，不過無咁肥，大家都可以隨意選擇做法！

芝士呀！