Abby似媽咪定似爹哋?

有人話我同媽咪係餅印

呢張相我勁似爹哋

豬豬咀，呢張似爹哋

伸懶腰呢張都係似爹哋

做乜打爹哋呀

天線得得B - Teletubbies

最鐘意媽咪

爹哋扮Winnie the Pooh

第一次啜手指，我食手指個樣係唔係好靚呢

隻手指好好味咩，啜到jep jep聲

隻手仔咁大隻似爹哋

助孕食品：蕃茄粥

我本來係唔食蕃茄的，但當年突然興起蕃茄飯，網上有各種各樣的食譜，我哋都試過整。一般都係因蕃茄加唔同嘅肉類及香料煮成，原來都幾香噴噴同美味，尤其係天氣日漸轉涼的時候。

我哋有一日去咗元朗，途經一間叫關西粥店，佢哋有一款叫做蕃茄粥，真係好好味，特別之處係有蛋花，感覺非常香滑兼充滿營養。於是我哋返到屋企試下整，又可以加入唔同嘅材料，令到呢款粥更美味啦！

蕃茄粥食譜

材料：

蕃茄三個

白米一嘜半

肉碎少許

葱花

雞蛋一隻

鹽少許

黑椒少許

其他材料如雞肉，肉片隨意

做法：

1. 將肉碎拌入少許鹽炒香

2. 加入碎件蕃茄拌入黑椒，加入肉碎放入粥底

3. 待滾起時加入蛋花，灑上葱即成

如喜許加入雞件或肉片生滾，更滋味，味道層次更好。

或者我之前真係缺乏咗蕃茄先至有嘅元素，幾樣嘢多管齊下，終於有BB啦。

食療除咗係滋補身體，最重要對心理有幫助，至少我吃過對身體真是有益的，信心多點自然事半功倍啦！

第七章：氣功穴位治療

經歷過兩次促排卵療程失敗，以及兩次中醫藥療失敗後，本來想比自己休息一下，今個月想唔做Treatment，但經朋友介紹下，認識了一個專用氣功穴位的中醫，咁我個friend又腳痛定期要睇中醫，我見有人陪咪試下呢個氣功中醫lor。

呢個醫師，主要係用氣功按穴位治療的。按穴位之餘，仲要比佢打，第一次睇佢，佢建議第一個星期連續睇三天，因為之前未睇過的，經脈盡塞，不未一次把其打通，如果過幾天才回來，經脈又會塞返，咁好難會通到。而開頭比佢打真係好痛，因為d經脈塞晒，比佢打時叫到哇哇聲，打完三天後發現d穴位仲變埋瘀黑色，醫師話咁係平常，因為之前塞左ge穴道通返。

之後我每星期見醫師兩至三次，可能經脈已打通，再比佢打既時間，都唔覺得好痛，反而家得好爽，打完仲會精神爽利，比起睇QMH的打針療程，這個真係輕鬆好多。

醫師每次都會幫我把脈，亦會知道我大約幾時會排卵，提我邊日要做功課。咁我自己都會check住紅d同埋CB，同醫師suggest的時間差唔多。

為了達到最佳的效果，我捉埋老公一齊去睇，本著有病治病，無病強身的心態，睇左2個Cycle卜配合被打及飲中藥粉的療程，還有聽話的戒口，不準食凍野及甜野，體質係好左，個人變得精神爽利，又少左周身骨痛，但係生B計劃方面都係未能成功。

適逢睇左無綫播放的守護生命的故事，其中有集詳細介紹不育，老公話呢個節目出左街，一定會好多人跑去求診，叫我快d睇返瑪麗，佢話覺得西醫科學d，其實我真係好怕睇瑪麗，又貴又要早起身，去到果度又好重負能量，但係電視講到好似好得咁，加上睇左兩個中醫都唔成功，唯有打返瑪麗約期，順便同醫生傾下可否轉Treatment。