Nanako's Beauty Diary: 生BB

顯示具有 生BB 標籤的文章。顯示所有文章

2015年12月1日星期二

第一次食蛋糕

1-10/12/2015

第一次食蛋糕：媽咪食疍糕，點可以少左我果份呀

牙痕食住手指止下痕先

自己攞開枕頭

自己托住奶樽飲奶

呢套B Duck床單套裝有一個長條型小攬枕，岩晒阿女夾

阿女而家岩岩學識轉身，我唔敢比被佢蓋，怕佢反轉左唔識轉返身會比被焗親，Hallmark呢款有拉鍊包腳睡袋最好了，又保暖又唔會焗親BB

都係買多件Hallmark睡袋替換穩陣d

望鏡頭啦，唔好望住媽咪

Abby the Pooh 小熊海嵐

呢個六層紗磨菇睡袋一物二用，BB細個時係睡袋，大個左可當背心著

Step 1: 提起隻腳

Step 2: 用腳猛力踢向床欄

Step 3: 反轉後別忘記用隻手支撐身體，頭向上昂

SOGO感謝日，媽媽係Nature Purest買左呢件雪褸比我訓覺著

2015年10月15日星期四

Abby似媽咪定似爹哋?

有人話我同媽咪係餅印

呢張相我勁似爹哋

豬豬咀，呢張似爹哋

伸懶腰呢張都係似爹哋

做乜打爹哋呀

天線得得B - Teletubbies

最鐘意媽咪

爹哋扮Winnie the Pooh

第一次啜手指，我食手指個樣係唔係好靚呢

隻手指好好味咩，啜到jep jep聲

隻手仔咁大隻似爹哋

2015年9月6日星期日

聽歌跳舞舞 (媽咪我唔係木偶公仔)

05/09/2015

媽咪話我成晚哭唔肯訓, 所以臨訓前同我玩下, 希望我玩攰左會訓好d, 似你玩我多過你同我玩lor

阿女整晩狂哭唔訓覺，9pm餵完奶到1am一直唔肯訓，餵完夜奶1am至5am都係喊住唔訓要人抱,唯有分兩更，9pm-2am由我當更抱阿女，2am-6am由工人接更

好多人話初生BB好多都會夜晚扭計喊住要人抱，有d話喊1個月就冇事，但有d話要喊3個月，老公個朋友話佢個仔要喊足1年

2015年8月31日星期一

扮動物影初生BB相

30/08/2016
之前冇諗過原來可以揾人幫阿女相呢d初生相，直至睇到facebook廣告才急急預約。

我知道Studio影一定靚過上門影，但係阿女仲細，抵禦力弱，所以都係約上門影安全d。

拍攝花絮：

攝影師開左Baby Sleep App氹阿女訓覺

攝影師係屋企set好佈置，幫BB著好動物衫影相

呢個扮兔仔幾可愛

拍攝時間1小時，包3個造型，我地幫阿女揀左羊咩咩，兔仔，同埋公主。

羊咩咩

兔兔

點解呢個公主有公主裙著既？

呢張同媽咪合照時，玩緊口水

爹哋媽咪都著左粉紅色衫，同阿女件衫好襯

眼仔望住爹哋

影埋呢張大功告成

影完相立即剝左d道具衫抹身

乜你個樣咁精神既? 快d訓la

2015年8月19日星期三

BB體重急劇下降, 需立即入院

18/08/2015

由於BB出院時仲係有d黃，醫生話BB要返東區醫院黃疸clinic覆診。今日我冇叫陪月陪我返醫院,，因為怕佢9:00am趕唔切，所以叫左工人陪我。

到左黃疸clinic，姑娘先幫BB磅重，佢話阿女體重輕左13%，阿女疴橙尿，有可能會影響腎功能，醫生話要安排BB即時入院。

聽到呢度我我心好痛，我帶左佢返屋企兩日，呢兩日我都係埋身餵，阿女好努力啜，啜到我乳頭都損晒，但係食唔飽，好彩咁快要帶佢返醫院覆診，如果唔係餓死左佢我都唔知咩事。

姑娘立刻為阿女準備左3oz配方奶，唔夠1分鐘佢就飲晒支奶，見到呢個場面我真係忍唔住喊左出黎。

醫生好快安排左阿女去兒科病房，醫院叫我預備BB的入院用品，並按指定的餵奶時間返醫院探阿女。

阿女住院期間，我試過埋身餵，亦試過用醫院的pump奶機（由於被阿女啜損乳頭，考慮緊買唔買）。

阿女已經出世第8天，我應該上奶了，但兩邊乳房夾埋Pump左15分鐘只係得10ml奶，我初時以為比機壞左，原來係我唔夠奶，以我咁ge奶量，餵45分鐘都係得30ml，唔怪得阿女唔夠飽。

由於我唔夠奶，醫院提供了配方奶比阿女，而醫生建議每餐份量係90ml，而我亦要係醫護人員指導下學用奶樽餵奶。

19/08/2015

感謝醫護人員對阿女悉心照顧，留院一晚後，阿女體重由入院前2.73kg，回升至2.995kg，面色紅潤番，可以出院了。

醫生comment我breastfeeding係adequate technique但inadquate amount, 經多番考慮後，我決定轉餵奶粉。

2015年8月16日星期日

懷孕心路歷程: 05. 我的小公主出世了

3/8/2015

預產期已到，但仍未有見紅穿水等徵兆。

5/8/2015

回東區醫院做產檢，醫生話我子宮頸未成熟，如果10/8/2015仍未有未有見紅穿水等徵兆，需要於當天早上8點返醫院進行催生。

10/8/2015

7:00am - 因為太緊張，我整晚失眠，我吃過早餐 (媽媽說生仔要用力，叫我吃飽才入院)
8:00am - 到達醫院，當天早上醫生評估我的子宮未夠成熟，安排我入住產前病房．
9:00am - 經陰道放入(催生藥)前列腺素栓劑 (PGE2) ，由於PGE2有時會過度刺激子宮，醫生會利用胎心聲監察儀密切監察宮縮及胎兒心跳。
3:00pm - 姑娘問產前病房之準媽媽有冇興趣聽講座，講座內容主要係關於餵母乳及幫BB沖涼，當時我隔離床的準媽媽正在陣痛，我對面床的準媽媽穿水要送入產房，我開始有點著急，為何塞藥仍未有任何反應?
11:00pm - 我覺得有急屎的感覺，但我又怕用力會影響，怕疴返粒催生藥出黎，所以我去護士站問可否去疴屎，她們說冇問題不會影響的。
11:30pm - 產前病房的洗手沐浴室好大，今次我用力疴屎都疴唔出，但我唔想入到產房生緊BB才疴屎，係洗手間坐了花了30分鐘，終於疴得出，但唔係屎，而係一泡紅包杰撻撻既液體，我疴出返病床睡覺得個肚好痛，於是按鐘叫姑娘，姑娘話我係見紅，係好事。

11/8/2015

7:00am - 肚痛了成晚我又失眠了，醫生巡房了，她替我用手指檢查宮項，檢查時我穿水了，醫生話我開左兩度，姑娘叫我立即執整野，並且通知家人到產房，當時我又緊張，又期待，終於到我入產房了，但我又很擔心，因為我還未食早餐，怕冇力生BB。
8:00pm - 老公陪我進產房，當時我告訢醫生我未食早餐，她幫我吊催生藥及鹽，並且駁上胎心監察儀。
2:00pm - 醫生再幫我檢查宫頸，已經開到4度了，但睇返胎心監察儀報告，胎心有1分鐘口一中心跳得唔好，醫生話BB瞓個位瞓得唔好，塞住左出唔到，所以決定要開刀。醫生問了我一些病歷後，替我安排了去手術室開刀，當時係用半身麻醉的。
3:00pm - 好在有老公陪產，因為我真係害怕得要命，不知道為什麼醫生突然要猛力按我上腹，上腹並没有麻醉啊，不知道過了多少時間，他們抱著BB，把BB放左手術床上與我們合照。